波波：「由10歲開始，佢哋就無養過我！」

爸爸長期家暴，重男輕女嘅媽媽被虐至患上精神病，警察和社工都是家中常客，其他兄姊自顅不暇，一早走得快好世界。

波波是細女，10歲搬去親戚家暫住了3年，14歲跟其中一個家姐搬出來一齊住，17歲找到天台屋自己一個人住，正式自力更新。

波波說：「其實唔知自己係如何長大的，無餓死已偷笑。」

現在波波已經有自己家庭——問題來了，恨之入骨的爸爸上年突然中風，媽媽無能力照顧，其他兄姊根本不會理，惟有安排他入護老院。

近日，連精神病的媽媽也中風了！

波波忙於找院舍、見社工申請各類津貼、幫媽媽搬嘢取藥等等去院舍，所付出的心力，像苦情戲一樣，並且還是她一人扛！

我不禁問波波：「父母咁對妳，為何妳仍願意去照顧？至少願意幫父母安排一切，心裡是如何想的？天使同魔鬼會對話嗎？」

波波點答我，我就不方便再轉述，只是覺得一切皆人性，分別係有人性定無人性啫。

人與人之間，要講緣份，避不開，逃不掉，找不來。真正嘅勇氣係面對，真正嘅慈愛係原諒。

如果係你，會願意照顧不是的父母嗎？