對於患有認知障礙症初期的容媽媽，這是第一個失去丈夫的清明節。

媽媽：「清明節假期，去探你老豆。」

我反問：「去邊度探？」

媽媽：「去老人院，好耐冇去探佢！好掛住佢。」

媽媽還即刻打開雪櫃捧出三、四盒爸爸鍾意吃的小菜，馬上翻熱。

我大吃一驚，因為爸爸已經離開世界。在爸爸離開當天，媽媽還温柔的緊緊握着他的手説：「不用怕，來世我們再做夫妻，我會繼續服侍你。」——原來媽媽已經忘記了。「爸爸已經返咗天家，不用再煮嘢食帶去老人院。 」我唯有說。

媽媽用凌厲的眼神看著我，大發脾氣：「你唔好亂講，我一定要去老人院探佢，你唔帶我去我自己去，佢成日喺老人院被綁，你哋又唔俾我探佢，你知唔知你哋好不孝⋯⋯」

很擔心媽媽外出後，會發生意外，因為在疫情期間媽媽從沒出過門口，雖然已打針，但也很怕會染疫。「唔好嬲啦！我陪你去探老豆。唔好帶咁多食物，你自己揀一盒他最喜愛的餸菜加兩個蘋果去探佢。」

媽媽軟化了，面帶笑容，穿着整齊出門口，然而很快就問：「喂喂喂！平時去老人院唔係呢條路！你帶我去邊？」

「又係你話去探老豆！」

媽媽摸摸頭，半信半疑的跟着我去到寺廟門口。這裡正放著爸爸的靈位，我希望可以帶媽媽去寺廟上香，完成媽媽的心願。

可是寺廟竟然關門，我完全忘記了政府規定宗教場所要到21/4/2022才開放！

唯有向媽媽解釋，宗教場所因為疫情關上門。媽媽很生氣：「什麼宗教場所？！我要去老人院！你帶咗我來呢度，做什麼？今天不是觀音誕，也不是天后誕？你阻止我探老豆，有何居心？枉我們仲咁錫你！以為可以依靠你，點知你咁不孝，想喺呢度掉低我，唔理我⋯⋯」

我的眼淚不禁流下。很無奈，很痛心。

2020年、2021年媽媽都不能到院舍探望爸爸，要接受一刀切唔俾探，更甚在疫情期間失去老伴，無所依靠。

唉！今次清明節宗教場所關閉，原來死後也是一刀切不能探望！