留意到八十多歲的蘭姨，雙手握著橫跨病床的床邊桌，定定向前望，眉心皺起，那面容彷彿定了格。

「Hi，蘭姨！」

行近蘭姨，她卻不看我，只是說：「我好驚！」

「發生什麼事？」

「我忘記了住邊！好耐無見阿女！唔知她是否在樓下！」

我回想交更時看過蘭姨的診斷和背景，心裡盤算：「她身在醫院，阿女在樓下？」於是對她說：「我聽到你現在心好慌，如果找到阿女，心會定啲，安心啲。」

「我好掛住我亞媽，好想見吓佢，唔知佢依家點樣！」

蘭姨母親若健在，可能都有 100 多歲——究竟是什麼意思呢？我接著說：「你唔單只掛住個女，仲掛住亞媽。咁依家你最想我同你找邊個？」

蘭姨終於望住我：「你幫我找女婿呀！」

「收到。你留在這裏等我，我出去同你找女婿，你等我呀！如果唔係，我唔知去哪裏找你。」

蘭姨雙手稍稍鬆開，腰背放鬆下來靠在床背，點點頭。

我去到護士站，從病歷中確定蘭姨除了有晚期癌病，同時亦有認知障礙症。聯絡人並沒有包括女婿，於是撥通第一聯絡人大女的電話：「你好呀！請問你是XX蘭的女兒XXX嗎？」

「我是。」

「你好，我是XX醫院XX病房的安姑娘。伯母話忘記自己住邊，心很慌。好掛住阿女，又好掛住亞媽，所以想和你們做視像通話。現在方便嗎？」

「可以呀，不過你可否打給她加拿大個女？」

「我先視像你，你可以加其他親人，這樣好嗎？」

「或者等我上樓上找外傭姐姐，科技嘢佢熟啲。」

「伯母和姐姐一齊住你樓上？」

「係呀，大家有自己空間，亦方便照應。」

「你們的安排很周到。順道問一句，蘭姨的母親健在嗎？」

「她死了十多年了。」

「蘭姨知道嗎？」

「她知道的，不過近幾年時常都會忘記。不要緊，我哄哄她就可以了。」

「好的，謝謝你，亦交給你們。」

我用蘭姨的私人智能手機，接通了視像通話。蘭姨見到女兒熟悉的面孔，聽到姐姐歪歪地的廣東話口音，即時笑了。